დიზაინერები, რომლებიც უნდა იცოდე ..
თუკი ჩანთა თქვენთვის უბრალო აქსესუარზე მეტია და ნამდვილ ხელოვნებასა და ისტორიას ხედავთ მასში, მაშინ დროა, გაიცნოთ ის 10 გენიალური გონება, რომელმაც ჩანთების სამყარო შეცვალა. ისინი არიან არა მხოლოდ დიზაინერები, არამედ ნოვატორები, მეოცნებეები და გემოვნების განმსაზღვრელები, რომელთა შემოქმედებამაც ჩვენი ყოველდღიური სტილი სამუდამოდ შეცვალა.
ReTell Concept Store-ის გუნდი წარმოგიდგენთ დიზაინერებს, რომელთა სახელებიც აუცილებლად უნდა იცოდე, თუკი დიზაინერული ჩანთების ნამდვილი მოყვარული ხარ.
1. Coco Chanel (Chanel)
ვინ იფიქრებდა, რომ ქალის ჩანთის მხარზე გადაკიდება ასეთი რევოლუციური იქნებოდა? კოკო შანელმა შექმნა Chanel 2.55 – ჩანთა ჯაჭვის თასმით, რომელმაც ქალებს ხელები გაუთავისუფლა და სრულ თავისუფლებასთან ასოცირდა. მისი ფილოსოფია – ელეგანტურობა, კომფორტი და პრაქტიკულობა – დღემდე ცოცხალია Chanel-ის ყოველ ქმნილებაში.
2. Jean-Louis Dumas (Hermès) 
კრის ჯეინ ბირკინისა და ჟან-ლუი დიუმას შემთხვევითმა შეხვედრამ თვითმფრინავში, წარმოშვა ყველა დროის ერთ-ერთი ყველაზე iconic და სასურველი ჩანთა – Hermès Birkin. ეს ჩანთა არა მხოლოდ ძვირფასი აქსესუარი, არამედ სტატუსის უმაღლესი სიმბოლო და ინვესტიციაა, რომლის რიგში დგომაც წლობით უწევთ მსოფლიოს ყველაზე გავლენიან ადამიანებს.
3. Marc Jacobs (Louis Vuitton) 
მარკ ჯეიკობსმა Louis Vuitton-ის ტრადიციული სახლში ახალი სიცოცხლე შეიტანა. მან მოახერხა ისეთი საკულტო მოდელების შექმნა, როგორიცაა Speedy (მისი ხელახალი ინტერპრეტაციით) და თანამედროვე ხელოვნებასთან კოლაბორაციებით (მაგალითად, Takashi Murakami-სთან) ბრენდი ახალ სიმაღლეებზე აიყვანა, ჩანთები კი ხელოვნების ნიმუშებად აქცია.
4. Christian Dior (Dior) 
დიორის "New Look"-მა მსოფლიო მოდა შეცვალა, მისმა ჩანთებმა კი - ქალების გარდერობები. Lady Dior ჩანთა, რომელიც პრინცესა დაიანას სახელთან ასოცირდება, Dior-ის ელეგანტურობის, დახვეწილობისა და ქალურობის ეტალონია. მისი უნიკალური ქვილთინგი და D-I-O-R შარმები მყისვე ცნობადია.
5. Guccio Gucci (Gucci) 
გუჩიოს დაარსებულმა სახლმა, Gucci-მ, მსოფლიოს არაერთი ისტორიული ჩანთა აჩუქა. Gucci Jackie 1961 და Gucci Dionysus მოდელები წარმოადგენენ ბრენდის მემკვიდრეობასა და თანამედროვე ელფერს. Gucci ცნობილია თამამი დიზაინით, მდიდრული მასალებით და ლოგო მანიით.
6. Adele Casagrande Fendi (Fendi)
ხუთი დის წყალობით, ფენდის სახლი მსოფლიო დონის იმპერიად იქცა, ხოლო კარლ ლაგერფელდის გენიალურმა ხედვამ მათ ჩანთებს ახალი სიცოცხლე შთაბერა. Fendi Baguette – პატარა, კომპაქტური ჩანთა, რომელიც ბაგეტის ფორმას მოგვაგონებს, გახდა 90-იანი წლების ნამდვილი ვარსკვლავი და "Sex and the City"-ის წყალობით, მსოფლიო კულტურის ნაწილი.
7. Miuccia Prada (Prada) 
მიუჩა პრადამ მემკვიდრეობით მიღებული ტყავის სახლი ნამდვილ მოდის იმპერიად აქცია. მან პირველად გამოიყენა "nylon" (ნაილონი) მაღალ მოდაში, შექმნა რა პრაქტიკული და ამავდროულად ელეგანტური ჩანთები. მისი Re-Nylon კოლექცია მდგრადობის სიმბოლოდ იქცა, ხოლო Prada Cleo თანამედროვეობის ერთ-ერთი ყველაზე სასურველი მოდელია.
8. Daniel Lee (Bottega Veneta) 
მიუხედავად იმისა, რომ ბოტეგა ვენეტას დიდი ისტორია აქვს, დანიელ ლიმ ბრენდს ნამდვილი რენესანსი მოუტანა. მან განაახლა ბრენდის ხელწერა, შექმნა რა Pouch და Cassette ჩანთები, რომლებიც ცნობილია მათი oversized "intrecciato" (დაწნული ტყავი) დიზაინით და მყისიერად მოხვდნენ მოდის მოყვარულთა რჩეულთა სიაში.
9. Phoebe Philo (Céline) 
ფიბი ფაილომ Céline-ს მინიმალისტური, ელეგანტური და დახვეწილი ესთეტიკა შესძინა, რომელიც ქალებისთვის ნამდვილ სტილის სახელმძღვანელოდ იქცა. მისი შექმნილი Luggage Bag და Classic Box Bag დღემდე რჩება დახვეწილი გემოვნების სიმბოლოდ და დროის მიღმა არსებულ მოდელებად.
10. Demna Gvasalia (Balenciaga) 
დემნა გვასალიამ Balenciaga-ს კრეატიულ დირექტორად მოსვლის შემდეგ ბრენდს თამამი, ურბანული და ავანგარდული მიმართულება მისცა. მისი ჩანთები, როგორიცაა Hourglass და City Bag (განახლებული ვერსიები), ცნობილია მათი სკულპტურული ფორმებითა და არატრადიციული ესთეტიკით, რაც მათ მყისვე ცნობადს ხდის.
ესენი არიან დიზაინერები, რომლებმაც ჩანთების სამყაროში საკუთარი თავი სამუდამოდ დაიმკვიდრეს. მათი ქმნილებები არ არის მხოლოდ მოდური აქსესუარები, ეს არის ისტორია, ხელოვნება და მემკვიდრეობა.
თუკი თქვენც გსურთ გახდეთ ამ ისტორიის ნაწილი და ფლობდეთ ამ გენიალური დიზაინერების ქმნილებებს, ეწვიეთ ReTell Concept Store-ს! ჩვენთან აღმოაჩენთ ორიგინალ, ავთენტურ დიზაინერულ ჩანთებს მსოფლიო ბრენდებისგან, ყველაზე ხელმისაწვდომ ფასად. მიეცით საშუალება თქვენს სტილს, მოყვეთ უნიკალური ისტორია!